想了解下紫微有無邊個流派你覺得係好啲？

斷到野就得，其實又無話乜派物派，根本最初係得一種，之後又有人作d，之後又有人作d，又有人自創一派，每個時期都有新創，係呢二三十年最離譜，個個都話自己開山祖師，都係得個講字，斷唔到咪又係鳩up。不過現在資訊發達，有好野好快就比人抄，所以橫掂都係抄，一於天下文章一大抄，再加自己既幻想方法入去，然後自成一派。
講真堅野比我就唔出書，出書賣到幾多錢？賣一百幾十要我將多年既心得寫落去？真係咪搞。淘寶既翻版可以平到三幾蚊有電子書，一個作者用幾多時間心血去寫然後就比人偷晒，一個崩利益都無。正牌書永遠賣唔去，仲要責貨比上架費比倉，分分鐘印書成本都未必收得返，幾咁諷刺？有心學既搵個真材實料既師父學好過，睇書都信唔過架。
我就無理人地派教既野啦，所以無乜意見比到你。我十幾年前初學既時候去過工聯會學過，除左排盤之外，無乜野係學到，更唔好話算命斷事。紫微斗數已經係最容易斷到事既算命方法，一上手就好快玩得掂，而且而家起個盤入手機就得，所以只係學排盤既可以唔洗理。
不過排盤都好緊要既，排盤每粒星去不同宮位都有原因，粒星既影響就完全唔同，應既事同程度又唔同。學到最後打破十二宮斷到既野又唔同。斷到每年發生既事都得，不過又係學唔學到既問題。